Семинари омӯзишӣ оид ба интихобот

  Панҷакент, 14.02.2015. (АМИТ «Ховар», Гулбаҳори Худойбердӣ).-Дирӯз дар Кохи фарҳанги шаҳри Панҷакент таҳти раёсати раиси комиссияи ҳавзаи якмандатии интихоботии Панҷакент, рақами 21 Мӯсохон Азимов оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон семинари омӯзишӣ баргузор гардид. Дар семинар омодагӣ ба интихобот, аз ҷумла ваколати комиссияи интихоботӣ, тартиб додани рӯйхати интихобкунандагон, бақайдгирии номзадҳо, тартиби овоздиҳӣ, ташкили нақшаи тақвими интихобот, ҷадвали навбатдорон дар ҳавзаҳои интихоботӣ, ба таври дуруст ба роҳ мондани корҳои тарғиботиву ташвиқотӣ, овезаҳо ва масъалаҳои дигари марбут ба интихоботи дар пеш истода мавриди омӯзиш қарор гирифтанд.