Ш. Зуҳуров ба минтақаи Рашт рафт

            Душанбе, 16.02.2015.(АМИТ «Ховар», Марзия Саидзода).- Раиси Маҷлиси намояндагони Маҷлиси Олии ҷумҳурӣ Шукурҷон Зуҳуров ба минтақаи Рашт сафар кард.
          Ҳадафи сафари Ш. Зуҳуров ба водии Рашт вохӯрию мулоқот бо интихобкунандагон-сокинони ноҳияҳои ин водӣ аст. Бояд тазаккур дод, ки  Ш. Зуҳуров дар конфронси Ҳизби халқӣ -демократии Тоҷикистон аз ҳавзаи якмандатаи интихоботии Рашт №12 ҳамчун номзад ба вакили Маҷлиси намояндагони Маҷлиси Олии Ҷумҳурии Тоҷикистон ба қайд гирифта шудааст.
     Ш. Зуҳуров зимни сафари  кории худ ба ин минтақа аз ноҳияҳои Ҷиргатол, Тоҷикобод, Рашт, Нуробод ва Тавилдара боздид намуда, бо интихобкунандагон силсилаи вохӯриҳоро анҷом медиҳад.
   Мавриди зикр аст, ки Ш. Зуҳуров дар интихоботи парлумонии Тоҷикистон, ки соли 2010 доир гардид, аз ҳавзаи интихоботии якмандатаи Рашт вакили Маҷлиси намояндагони Маҷлиси Олии Ҷумҳурии Тоҷикистон интихоб гардид. Дар зарфи панҷ сол, яъне  солҳои 2010 -2015 раисии палатаи поёнии Парлумони Тоҷикистон-Маҷлиси намояндагонро ба уҳда дорад.