Шанбегӣ дар доираи амалиёти 100 рӯзи ниҳолшинонӣ
Душанбе, 16.02.2015 (АМИТ “Ховар”, Фарзонаи Давлат).-14-уми феврал дар доираи Амалиёти ҷумҳуриявии ҷавонон оид ба 100 рӯзи ниҳолшинонӣ таҳти унвони «Ин Ватанро мо ҷавонон сабзу хуррам мекунем!» дар Кумитаи ҷавонон, варзиш ва сайёҳӣ шанбегӣ доир гардид.
Дар он кормандони Кумита ва намояндагони мактабҳои варзишии мамлакат иштирок карда, атроф ва замини назди кумитаро аз ҳар гуна гулу буттаҳои худрӯй ва бегона тоза намуда, шоху навдаҳои дарахтонро ба тартиб дароварданд.
Масъулин мақсади чунин ҳашарҳои умумиро барои ободии кишвар ва тоза нигоҳ доштани атроф ва муҳити зист муҳим арзёбӣ карда, иброз медоранд, ки ин метавонад дар тарбияи ватандӯстиву меҳанпарастии ҷавонон нақши муҳим гузорад.
Ба иттилои Наврӯз Қурбонов, мутхассиси пешбари Бахши таҳлилу иттилооти Кумитаи ҷавонон, варзиш ва сайёҳӣ, Амалиёти ҷумҳуриявии ҷавонон оид ба 100 рӯзи ниҳолшинонӣ аз 1-уми январи соли 2015 оғоз гардида, дар давоми 100 рӯз идома меёбад. Барои татбиқи самараноки он ташкилотҳо ва сохторҳои маҳаллии Кумитаи ҷавонон, варзиш ва сайёҳӣ бо ҷалби наврасону ҷавонон ҳар рӯзи шанбе дар назди биною майдончаҳои тобеи худ, гулгашту боғҳо, кӯчаву хиёбонҳо ва биноҳои маъмуриву маишӣ корҳои ниҳолшинониро ба анҷом мерасонанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






