Соҳибкорон соҳиби ид шуданд

    Душанбе, 25.02.2015.(АМИТ «Ховар», Марзия Саидзода).- Минбаъд ҳамасола 14 октябр дар Ҷумҳурии Тоҷикистон Рӯзи соҳибкорон таҷлил  мешавад. Дар иртибот ба ин 25 феврал вакилони палатаи поёнии Парлумони Тоҷикистон ба лоиҳаи Қонуни Ҷумҳурии Тоҷикистон «Дар бораи рӯзҳои ид» илова ворид намуданд. Пешниҳоди мазкур аз сӯи Ҳукумати мамлакат ба Парлумон ироа гардид.
    Мавриди зикр аст, ки  14 соктябри соли 2014 дар Душанбе мулоқоти Президенти  кишвар Эмомалаӣ Раҳмон бо соҳибкорони мамлакат баргузор гардид, ки дар он масъалаҳои мубрами марбут ба рушди соҳибкорӣ дар Ҷумҳурии Тоҷикистон матраҳ гардида, барои ҳалли мушкилоти ҷойдошта дар самти рушди соҳибкории  кишвар аз ҷониби соҳибкорон ба Президенти мамлакат пешниҳоду дархостҳо ироа гардид.