Суғд: кумак ба иштирокчиён ва маъюбони ҶБВ

Душанбе, 16.02.2015. (АМИТ “Ховар”, Рафоати Абдулҳамид).- Қарори навбатии раиси вилояти Суғд «Дар бораи таъмин намудани иштирокчиён ва маъюбони Ҷанги Бузурги Ватанӣ ва шахсони ба онҳо баробар бо доруворӣ ва лавозимоти тиббӣ» аз 12 феврали соли 2015 ба тасвиб расид.
Тавре ки Хадамоти матбуоти раиси вилояти Суғд хабар дод, тибқи ин қарор Раёсати тандурустии вилоят муваззаф гардидааст, ки бо мақсади дастгирии молиявӣ ва таъмини иштирокчиён ва маъюбони Ҷанги Бузурги Ватанӣ ва шахсони бо онҳо баробар бо доруворӣ ва лавозимоти тиббӣ моҳе 5000 сомонӣ ва дар давоми сол 60 000 сомонӣ ҷудо намояд.
Ҳамчунин раисони шаҳру навоҳӣ низ вазифадор гардидаанд, ки барои таъмини иштирокчиён ва маъюбон бо доруворӣ ва лавозимоти тиббӣ тадбирҳои мушаххасро андешанд.