Суғд: Кумак ба кӯдакони маъюб

Душанбе, 17.02.2015. (АМИТ “Ховар”, Ситораи Боймурод).- Ба иттилои хадамоти матбуоти раиси вилоят қарори навбатии раиси вилояти Суғд «Дар бораи таъмин намудани кӯдакони то 3 сола ва маъюбони модарзод бо дорувориҳо» ба тасвиб расид.
Гуфта мешавад, ки ин қарор бо мақсади беҳтар намудани таъминоти кӯдакони то 3 сола ва маъюбони модарзод бо дорувориҳо ба тасвиб расида, тибқи он Раёсати тандурустии вилоят муваззаф гардидааст, ки барои таъмини кӯдакони то 3 сола ва маъюбони модарзод бо дорувориҳо тадбирҳои мушаххасро амалӣ намояд.
Ҳамчунин раисони шаҳру навоҳӣ низ вазифадор мегарданд, ки барои анҷоми ин кор маблағҳои зарурӣ ҷудо намоянд.