Таҷҳизоти нав ба Маркази милли тиббӣ

Февраль 17, 2015 10:49

Душанбе, 17.02.2015. (АМИТ «Ховар», Лайло Тоирӣ). — Дар доираи ҳамкориҳои судманди байни Ҷумҳурии Тоҷикистон ва Ҷумҳурии Корея ба Маркази миллии тиббӣ якчанд таҷҳизоти муосири тиббӣ дастрас  шуд, ки маблағи умумии он 200 ҳазор доллари амрикоиро ташкил медиҳад. Дар маросими супоридани ин таҷҳизот ба марказ кордори Сафорати Ҷумҳурии Корея дар Ҷумҳурии Тоҷикистон Ён Ҷон-гу зикр намуд, ки аз соли 1992 инҷониб ҳамкориҳои сиёсиву иқтисодӣ байни Ҷумҳурии Корея ва Ҷумҳурии Тоҷикистон ба роҳ монда шуда, имрӯзҳо ба таври густурда идома доранд. Дар доираи ин ҳамкориҳо соли гузашта ба 9 нафар кӯдаки ноҳияи Ҳисор ҷарроҳии чашм бомуваффақият гузаронида шуд.
“Чун Маркази миллии тиббӣ калонтарин марказ дар кишвар аст, мо қарор додем, то таҷҳизотро ба ин марказ диҳем, зеро ба ин ҷо мардум бештар муроҷиат мекунанд ва таҷҳизот дар ин ҷо бамаротиб самаранок хоҳад буд. Бисёр мехостам ин таҷҳизот ба мардуми камбизоату ниёзманд хизмат кунад»,- илова намуд Ён Ҷон-Гу.
Муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимов арз дошт, ки таҷҳизоти мазкур барои ташхиси ниёзмандону табақаи камбизоати аҳолӣ ва расонидани кумаки таъҷилии тиббӣ истифода хоҳад шуд.
Дар ин бора ба АМИТ «Ховар» аз хадамоти матбуоти Вазорати тандурустӣ ва ҳифзи иҷтимоии аҳолӣ хабар доданд. 

Февраль 17, 2015 10:49

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд