Ташкили боғоти нав дар майдони зиёда аз 200 га

Бобоҷон Ғафуров, 16.02.2015. (АМИТ “Ховар”, Абдуаҳад Шарифзода).- Тавре ки ба АМИТ “Ховар”  аз мақомоти маҳаллии ноҳияи Бобоҷон Ғафуров иттилоъ доданд, соли равон дар миқёси ноҳия дар майдони зиёда аз 200 га ташкили боғҳои нав ва токзор ба нақша гирифта шудааст. Аз аввали соли равон дар майдони 60 га барои бунёди боғоти зардолу ва 15 га токзор корҳо авҷ доранд. Дар ин раванд чанде пеш дар минтақаи Сумчак-3 дар майдони 1 гектар зиёда аз 400 бех дарахти мевадиҳанда шинонида шудааст. Инчунин дар доираи маъракаи ниҳолшинонӣ  оғози моҳи равон тақрибан 1000 бех сафедор шинонида шуд. 
Бояд гуфт, ки соли гузашта дар ноҳия тибқи “Барономаи давлати оид ба бунёди боғҳои нав ва токзор” дар майдони 450 га боғот ташкил шуд.