Тавилдара: Сарбозон содиқона хизмат хоҳанд кард

Февраль 24, 2015 10:20

Душанбе, 24.02.2015 (АМИТ «Ховар», Мавҷуда Анварӣ).- Бахшида ба Рӯзи таъсиси Артиши миллӣ дар қисми ҳарбии 02011-и Вазорати мудофиа дар деҳаи Лухарвии ҷамоати деҳоти Сангвори ноҳияи Тавилдара  чорабинии идона баргузор гардид.
Тибқи иттилои мудири Бахши фарҳанги ин ноҳия Сабоҳат Қурбонова, дар чорабинӣ роҳбарияти мақомоти иҷроияи ҳокимияти давлатии ноҳия, волидон ва наздикони сарбозону афсарон ширкат намуданд.
Раиси ноҳия Ҳиммати Ғайрат  тамоми хизматчиёни ҳарбӣ, ҳомиёни ватанро бо 22-солагии таъсиси Артиши миллӣ табрик намуда, изҳори умедворӣ намуд, ки сарбозони ватан ҳамеша барои ҳимояи марзу тамомияти кишвари маҳбубамон содиқона хизмат хоҳанд кард. 
Ҳ. Ғайрат аз комёбиҳои хизматчиёни ҳарбӣ дар тӯли ин солҳо ёдовар шуда, хизматчиёни ҳарбиро таъкид бар он намуд, ки минбаъд низ баҳри рушди артиш ва боз ҳам пурқудрат намудани Қувваҳои мусаллаҳи кишвар дар роҳи баланд бардоштани иқтидори мудофиавии давлати соҳибистиқлол бояд ҷаҳду талош намуд. 
Дар интиҳо афсарону сарбозоне, ки хизмати хубу бенуқсон доранд, бо ифтихорномаҳо ва туҳфаҳои хотиравӣ сарфароз гардонида шуда, аз ҷониби Бахши фарҳанги мақомоти ноҳия барномаи ҷолиби консертӣ пешкаш гардид.
 

Февраль 24, 2015 10:20

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд