Тавсеаи робитаҳои Душанбе ва Сеул
Душанбе, 25.02.2015.(АМИТ «Ховар», Марзия Саидзода).- Гардиши умумии савдои хориҷӣ дар соли 2014 байни Ҷумҳурии Тоҷикистон ва Корея 53,1 миллион $ -ро ташкил дод, ки аз он 140 ҳазор $ содирот ва 53 миллион $ воридот мебошад. Ин матлабро 25 феврал Ҷамолиддин Нуралиев- муовини аввали вазири молияи кишвар дар назди вакилони Парлумон зикр кард. Мавсуф, ки дар ҷаласаи навбатии Парлумони мамлакат Конвенсияи байни Ҷумҳурии Тоҷикистон ва Ҷумҳурии Корея оид ба канорагирӣ аз андозбандии дукарата ва пешгирии саркашӣ аз супоридани андозҳо аз даромад ва сармояро тавзеҳ дод, гуфт, ки ин санад 31 июли соли 2014 дар Душанбе ба имзо расидааст.
Бо дахли муҳимияти ин санад масъули намояндаи вазорати молияи ҷумҳурӣ афзуд, ки ҳадафи Конвенсияи мазкур муҳайё намудани шароит барои шахсони ҳуқуқӣ ва воқеии давлатҳои аҳдкунанда ҷиҳати андозбандии даромад ва моликият танҳо дар яке аз давалтҳои аҳдкунанда ва бартараф намудани андозситонии дукарата мебошад.
Амалӣ намудани масъалаи мазкур имконият медиҳад, ки ҷалби сармоягузорони мутақобила дар байни давлатҳои аҳдкунанда афзоиш ёбад. Дар доираи Конвенсияи мазкур масъалаи андозбандии даромад, амвол, музди меҳнат табодули иттилотӣ байни мақомоти салоҳиятдор ба танзим дароварда мешавад.
Зимни тасдиқи санади мазкур Сафаралӣ Гулов-муовини раиси Кумитаи Маҷлиси намояндагон оид ба иқтисод ва молия афзуд, ки ба тасвиб раоснидани Конвенсияи мазкур ҷиҳати ҷалби сармояи Корея ба иқтисодиёти Тоҷикистон ва тавсеаи равобити иқтисодию тиҷоратии Тоҷикистон бо ин кишвари пешрафтаи осиёӣ мусоидат менамояд. Таъкид шуд, ки равобити дӯстонаи Тоҷикистону Корея дар сатҳи дуҷониба ва бисёрҷониба густариш меёбанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






