Вакилон масъалаи тасдиқи созишномаро баррасӣ менамоянд

Душанбе,  04.02.2015. (АМИТ «Ховар»).- Ба рӯзномаи ҷаласаи  навбатии  иҷлосияи  шашуми Маҷлиси  намояндагон даъвати  чорум, ки  имрӯз, 4  феврал,  дар  шаҳри  Душанбе баргузор  мегардад, се  масъала ворид  карда шудааст.
Тавре  ки   котиби  матбуоти  парлумони  кишвар Муҳаммадато  Султонов  хабар  медиҳад,  вакилон масъалаҳои тасдиқи  муоҳадаю  созишнома  ва ба  қонуни  амалкунандаи  ҶТ  ворид  намудани ислоҳотро баррасӣ  мекунанд.
Ҳамчунин Муоҳада дар  бораи имтиёзу  масуниятҳои  муассисаҳои  махсуси СММ ва  Созишномаи байни  ҳукуматҳои  Тоҷикистону  Покистон дар  бораи  ташкили гурӯҳи  муштараки  корӣ оид ба  мубориза  бо  терроризми  байналмилалӣ барои тасдиқ  пешниҳод  шудаанд.
Дар  ҷаласа  ҳамчунин ислоҳот   ба  қонуни  ҶТ «Дар  бораи  ҳифзи  ҳуқуқҳои  истеъмолкунандагон»  мавриди баррасӣ  қарор  мегирад.