ВКД: Мусодираи маводи тарканда ва воситаҳои таркишӣ

Душанбе, 02.02.2015. (АМИТ «Ховар», Муқаддас Темурзода).-Дирӯз зимни як амалиёти махсус аз ҷониби кормандони Шуъбаи ВКД дар ноҳияи Сино-1 ҳамчун гумонбар дар ғайриқонунӣ нигоҳ доштани моддаҳои тарканда ва воситаҳои таркиш шаҳрванд Зафар Буриев, соли таваллудаш 1981, сокини ноҳияи Рӯдакӣ дастгир шуд.
Назар ба иттилои ВКД ҶТ,  дар вақти кофтукови шахсӣ аз ӯ 1 адад зарфи пластикии 1,5-литра, ки дар дохилаш хокаи торик, 2 адад селофани рангаш сиёҳ ва кабуд дар дохилашон ҷисмҳои кулухмонанд дарёфт гардид. Мувофиқи маълумотномаи Раёсати ташхисӣ-криминалистии ВКД таҳти №225 аз 01.02.с.2015 маводи гирифташуда, маводи таркандаи борут (порох) буда, вазнашон 4 кг 254 граммро ташкил медиҳад, ки барои истифода коршоям мебошанд.
Нисбат ба далели мазкур парвандаи ҷиноятӣ оғоз гардида, тафтиш идома дорад.