Вохӯрии Р. Солиев бо У. Руснак дар Белгия

Душанбе, 13.02.2015 (АМИТ «Ховар»).- 12 феврали соли 2015 дар шаҳри Брюссел вохӯрии Сафири Фавқулода ва Мухтори Ҷумҳурии Тоҷикистон дар Шоҳигарии Белгия Рустамҷон Солиев бо Дабири кулли Паймони Неру Урбан Руснак баргузор гардид.
Зимни суҳбат ҳолати кунунӣ ва дурнамои рушди ҳамкории дуҷониба байни Тоҷикистону Паймони Неру муҳокима шуд.
Сафири Тоҷикистон Р.Солиев ба Урбан Руснак дар бораи Конфронси байналмилалии сатҳи баланд доир ба арзёбии дастовардҳои Даҳсолаи байналмилалии амал  “Об барои ҳаёт”, 2005-2015, ки 9-11 июни соли 2015 дар шаҳри Душанбе дар назар аст, маълумот дода, ӯро ҷиҳати иштирок дар ин чорабинии муҳими байналмилалӣ даъват намуд.