Вохӯрии Сафири Тоҷикистон бо Муовини вазири корҳои хориҷии Қазоқистон

Душанбе, 14.02.2015 (АМИТ «Ховар»).- 13 феврали соли 2015 вохӯрии Сафири Фавқулода ва Мухтори Ҷумҳурии Тоҷикистон дар Ҷумҳурии Қазоқистон Назирмад Ализода бо Муовини вазири корҳои хориҷии Ҷумҳурии Қазоқистон Самат Ордабаев баргузор гардид.
Зимни мулоқот тарафҳо сатҳи кунунии ҳамкориҳо ва масъалаҳои дурнамои рушди муносибатҳои дуҷонибаю бисёрҷонибаи Тоҷикистону Қазоқистонро мавриди муҳокима қарор дода, ҷиҳати тақвияти ҳамкориҳои мутақобилан судманд дар бахшҳои алоҳидаи иқтисодӣ, рушди заминаи шартномавию ҳуқуқӣ, инчунин дар соҳаҳои муҳоҷират маориф ва фарҳанг табодули назар намуданд.
Ҷонибҳо зарурати фаъолгардонии нақши Комиссияи байниҳукуматӣ оид ба ҳамкориҳои тиҷоратию иқтисодиро, ки баргузории ҷаласаи навбатии он нимаи дуюми марти соли 2015 дар назар аст, ҳамчун механизми таъсирбахш барои муайян намудани самтҳои афзалиятноки муносибатҳои дуҷониба қайд намуданд.