Вусъати корҳои саҳроӣ дар Суғд

Хуҷанд, 26.02.2015. (АМИТ “Ховар”, Абдуаҳад Шарифзода).-Дар хоҷагиҳои кишоварзӣ ва хоҷагиҳои деҳқонии шимоли кишвар мавсими омодагии корҳои баҳории саҳроӣ бо маром идома доранд. Тавре ки мутахассиси идораи кишоварзии вилояти Суғд Неъматҷон Тоҷибоев иттилоъ дод, то 23 феврал дар вилоят дар майдони 148,576 га шудгор гузаронида шудааст, аз ҷумла дар заминҳои пахта дар масоҳати 48 232 га. 
Тибқи маълумоти манбаъ соли равон мувофиқ ба нақша корҳои шудгори замин дар майдони 202 600 гектар, аз он кишти баҳорӣ дар майдони 173 300 гектар гузаронида шуданд. Соли равон кишоварзони вилоят ният доранд  дар майдони 54,1 гектар пахта кишт кунанд.