Зани қаблан судшуда боз ба ҷинояти нанговар даст зад

 Душанбе, 17.02.2015. (АМИТ «Ховар», Муқаддас Темурзода).-Дирӯз кормандони милитсия як зани 24-сола, сокини шаҳри Душанберо, ки қаблан  бо моддаҳои 339 ва 244 КҶ ҶТ суд шудааст, бо гумони ба фоҳишагӣ ҷалб намудани духтарон дастгир намуданд. 
Назар ба иттилои ВКД ҶТ, дастгиршуда моҳҳои январ-феврали соли ҷорӣ шаҳрвандон: Ш.С., соли таваллудаш 1989, Т.М., соли таваллудаш 1996 ва К.М., соли таваллудаш 1997, сокинони шаҳри Душанберо ба фоҳишагӣ ҷалб намуда, бо мақсади алоқаи ҷинсӣ намудан бо шаҳрванд М.С., соли таваллудаш 1982, сокини пойтахт шинос карда, ба ивази хизматаш аз ӯ сари ҳар нафар 300 сомонӣ маблағи пулӣ гирифтааст. 
Нисбат ба далели мазкур парвандаи ҷиноятӣ оғоз гардида, тафтиш идома дорад.