Зиёд шудани муроҷиат ба Ваколатдор

          Душанбе, 2.02.2015. (АМИТ “Ховар”, Манижа Баҳромзода).-Соли 2014 дар  мақомоти  Ваколатдор  оид  ба  ҳуқуқи  инсон (ВҲИ) 3252 муроҷиати шаҳрвандон ба қайд  гирифта шудааст, ки ин нишондод дар соли  2013  ҳамагӣ  2528  ададро ташкил медиҳад. Аз теъдоди муроҷиатҳои бақайдгирифташуда 542  адад дар дастгоҳи марказии ВҲИ ва  2710  адад аз ҷониби 11 қабулгоҳи  ҷамъиятии  ВҲИ  дар минтақаҳои ҷумҳурӣ баррасӣ шудаанд.Муроҷиати хаттии шаҳрвандон ба дастгоҳи марказии ВҲИ аз ҷониби  сокинони шаҳри Душанбе 109 адад, вилояти Хатлон 31 адад, вилояти Суғд 35 адад, ВМКБ-0 адад, шаҳру ноҳияҳои тобеи марказ-50 адад, берун аз ҷумҳурӣ-17 адад ворид гаштаанд. 
        «Аксарияти аризаву  шикоятҳои хаттии дар соли 2014 ба мақомоти ВҲИ воридгардида нисбат ба мақомоти судӣ мебошанд, гарчанде ки онҳо  нисбат ба соли 2013 тамоюли камшавӣ  доранд»-иттилоъ дод  Ваколатдор оид  ба  ҳуқуқи  инсон Зариф Ализода. Муроҷиатҳои хаттӣ дар самти ҳуқуқ ба манзил низ нисбат ба соли гузашта 18 адад зиёд шудаанд, афзуд  манбаъ.