Ҳафтаи охири моҳи март серборон мешавад

Душанбе, 27.03.2015. (АМИТ «Ховар»,  Кристина  Эрлих).- Имрӯз, 27  март, ҳаво  дар  саросари  минтақаҳои  Тоҷикистон  абролуд  буда, борон  борида, ҳарорати  ҳаво  рӯзона  13  дараҷа  гарм  мешавад. Бегоҳӣ борони  сахт  борида,  туман  мефарояд. Ҳарорати  ҳаво  шабона 5 — 7  дараҷа гарм  мешавад. 
Шабонарӯзҳои 28 ва  29  март  ҳаво  абролуд  шуда,  борони  сахт  меборад. Ҳаво   шабона 5 — 7  дараҷа  ва  рӯзона  9 — 11  дараҷа  гарм  мешавад. 
Ба  гуфтаи  ҳавошиносон, ҳафтаи охири  мохи  март  серборон  шуда,  ҳаво  рӯзона  15 — 17  дараҷа  гарм  мешавад. 
Пагоҳ,  28  март,  ҳарорати  ҳаво  рӯзона  дар  вилояти  Хатлон 12 — 14  дараҷа,  вилояти  Суғд 11 — 13  дараҷа,  ноҳияҳои тобеи  ҷумҳурӣ  12 — 14  дараҷа,  дар  ғарби  ВМКБ  9 — 11  дараҷа, дар  шарқи  ВМКБ  3 — 5  дараҷа  ва дар  шаҳри  Душанбе  10 — 11  дараҷа  гарм  мешавад. 
Дар  ин  бора  аз Маркази  ҳавосанҷии  Тоҷикистон  ба  АМИТ «Ховар»  хабар доданд.