Ҳайати «Эстафетаи хотира» ба Душанбе омад
Душанбе, 30.03.2015.(АМИТ «Ховар», Марзия Саидзода).-Имрӯз ҳайати бонуфузи иштирокчиёни «Эстафетаи хотира» аз Ассамблеяи Байнипарлумонии /АБ/ кишварҳои узви Иттиҳоди Давлатҳои Мустақил /ИДМ/ таҳти сарварии узви Кумитаи масъалаҳои аграрии Маҷлиси Парлумони Қазоқистон Жексенбай Дуйсебаев ба Душанбе ташриф овард. Дар фурудгоҳи байналмилалии Душанбе меҳмононро Абдуҷаббор Азизӣ- муовини якуми раиси Маҷлиси намояндагони Маҷлиси Олии ҷумҳурӣ истиқбол гирифт. Бояд тазаккур дод, ки «Эстафетаи хотира» дар доираи нақшаи чорабиниҳои Ассамблеяи Байнипарлумонии кишварҳои ИДМ ба ифтихори таҷлили сазовори 70-умин солгарди Ғалаба дар Ҷанги Бузурги Ватанӣ — солҳои 1941-1945 рӯзҳои 30 ва 31 марти соли равон дар Душанбе гузаронида мешавад. Дар доираи эстафетаи мазкур, ки асосан чорабиниҳо дар Боғи Ғалаба роҳандозӣ мегарданд, дар интиҳо шуълаи оташи фурӯзони ҷовидон аз Маҷмааи хотиравии «Ғалаба» дар капсула баҳри тақвияти оташи ҳамсон дар расми истиқболи 70-умин солгарди Ғалаба дар ҶБВ дар шаҳри Маскав гирифта мешавад. Инчунин дар майдони «Ғалаба»-и пойтахт имрӯз иқдоми «Амвоҷи сабз» гузаронида мешавад.
Интизор меравад, ки фардо дар Душанбе мулоқоти раиси Маҷлиси миллӣ Маҳмадсаид Убайдуллоев бо ҳайати «Эстафетаи хотира»-и АБ кишварҳои ИДМ баргузор гардад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






