Ҳаво дар рӯзҳои ид гарм мешавад

Душанбе, 20.03.2015. (АМИТ «Ховар»,  Кристина  Эрлих).- Имрӯз,  20  март,  дар  саросари  минтақаҳои  Тоҷикистон  ҳавои  тағйирёбандаю  камбориш  дар  назар  аст. Ҳавои  кишвар рӯзона  ба  ҳисоби  миёна  14 — 16  дараҷа  гарм  шуда, бегоҳӣ каме  бориш  мешавад. 
Шабонарӯзи  21  март  ҳаво  камабр  шуда,  бориш  намешавад. Ҳаво  шабона  9 — 11  дараҷа ва  рӯзона 21 — 23 дараҷа  гарм  мешавад.
22  март  ҳавои софу бебориш  дар назар буда,  ҳаво шабона  11 — 13 дараҷа  ва  рӯзона 21 — 23  дараҷа  гарм  мешавад. 
21  март ҳаво  рӯзона  дар  вилояти  Хатлон 20 — 21  дараҷа,  вилояти   Суғд 17 — 19 дараҷа,  ноҳияҳои тобеи  ҷумҳурӣ  19 — 21  дараҷа,  дар  ғарби  ВМКБ  9 — 13 дараҷа,  дар  шарқи  ВМКБ 3 — 5 дараҷа  ва  дар  шаҳри  Душанбе 23 — 25  дараҷа  гарм  мешавад. 
Дар ин бора аз Маркази ҳавосанҷии Тоҷикистон ба АМИТ «Ховар» хабар доданд.