Ҷамъбасти «Ҷоми Наврӯз» миёни филиалҳои «Амонатбонк»

Душанбе, 16.03.2015.(АМИТ  «Ховар», Лайло Тоирӣ).-Дар варзишгоҳи «Динамо»-и ВКД ҶТ бозии футболи хурд бахшида ба ҷашни байналмилалии Наврӯз таҳти унвони «Ҷоми Наврӯз-2015» миёни дастаҳои филиали «Амонатбонк» дар ноҳияи Фирдавсии пойтахт, филиали «Амонатбонк» дар ноҳияи Ҳисор, филилаи «Амонатбонк» дар ноҳияи Рӯдакӣ ва дастаи Раёсати БДА ҶТ «Амонатбонк» барои ҷойҳои якум, дуюм ва сеюм баргузор гардид. 
Дар мусобиқаи футболи хурд дастаҳои футбол аз ҳисоби кормандони Раёсати бонк ва филиалҳои он аз навоҳии тобеи марказ ва шаҳри Душанбе фаъолона ширкат намуданд. Ин чорабинии варзишӣ дар толори варзишии «Динамо»-и ВКД ҶТ баргузор гардид, ки дар он беш аз 8 дастаи футболи хурд аз 14 филиал иштироки фаъолона намуд. 
Бино ба иттилои хадамоти матбуоти бонки мазкур, мусобиқаи «Ҷоми Наврӯз-2015» пас аз як ҳафтаи баргузорӣ ҷамъбаст гардид. Дар ниҳоят барои ҷойҳои якум, дуюм ва сеюм се даста миёни худ рақобат намуд, ки ҷойи сеюм насиби дастаи филиали бонк дар ноҳияи Ҳисор, ҷойи дуюм насиби дастаи филиали бонк дар ноҳияи Рӯдакӣ ва ҷойи якум насиби дастаи Раёсати «Амонатбонк» гардид.