Ҷашни Наврӯз дар вилояти Суғд

  Душанбе, 20.03.2015.(АМИТ  «Ховар», Лайло Тоирӣ).- Машварати  кории навбатии назди сардори Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд доир гардид.
Дар он асосан барқияи ҳукуматӣ ва ҷараёни омодагӣ ба таҷлили ҷашни Наврӯз баррасӣ гардид.
Дар асоси барқия аз ҷониби сардори Раёсат нақшаи навбатдории шабонарӯзии кормандон дар рӯзҳои ид тасдиқ гардид. Ҳамзамон дар ин сана дар  машғулияти навбатии омӯзишӣ ба кормандони дастгоҳи Раёсат оид ба таърихи иди Наврӯз ва саҳми Президенти Ҷумҳурии Тоҷикистон Эмомалӣ Раҳмон дар ҷаҳонишавии ин ҷашнвора маълумот дода шуд. Кулли кормандон ҷиҳати риояи тартиботу оромӣ ва меъёрҳои одобу ахлоқ дар рӯзҳои таҷлили Наврӯз вазифадор гардиданд. 
Раёсат дар рӯзҳои таҷлили ин Иди миллӣ доир намудани амалҳои хайриявиро ҳам ба нақша гирифт.
Дар асоси нақшаи чорабиниҳои ҷашнии мақомоти иҷроияи ҳокимияти давлатии вилояти Суғд намояндагони Раёсат дар ҳайати гурӯҳи аёдатӣ ба муассисаҳои соҳаи ҳифзи иҷтимоӣ ташриф оварда, дар маросими туҳфасупорӣ ва ташкили дастурхони идона иштирок ва саҳмгузорӣ хоҳанд кард.