Бақайдгирии 502 нашъаманд дар Қурғонтеппа

Душанбе, 23.03.2015. (АМИТ «Ховар», Мавҷуда Анварӣ). -Дар шаҳру ноҳияҳои Қӯрғонтеппа, Кӯлоб, Бохтар, Вахш, Ёвон, А. Ҷомӣ, Фархор, Восеъ, Ҳамадонӣ ва Данғара тамоюли афзоиши шумораи нашъамандон мушоҳида мешавад.
Ин нукта зимни ҷаласаи Шӯрои ҳамоҳангсозӣ оид ба пешгирии сӯйистеъмоли маводи нашъадор дар шаҳри Қӯрғонтеппа баён гардид. Тибқи маълумоти расмӣ, дар ҳудуди вилояти Хатлон 1309 нашъаманд ба қайд гирифта шудааст, ки 17 нафараш зан аст. 
Ҳолатҳои ба нашъамандӣ гирифтор шудани шаҳрвандон нишон медиҳад, ки теъдоди зиёди онҳоро ҷавонон ташкил медиҳанд, — гуфт Миралӣ Хайруллозода, сардори Раёсати Агентии назорати маводи нашъаовар дар вилояти Хатлон.  Аз ин ҳисоб 502 нафари нашъаманд ҳамагӣ аз 18 то 29 сол дорад. Аз ин рӯ, бояд тамоми мақомоти ҳифзи ҳуқуқ, ташкилоту муассисаҳо ва шаҳрвандон якҷоя баҳри аз байн бурдани ин зуҳуроти номатлуб мубориза баранд, то раванди мубталошавӣ ба нашъамандиро пешгирӣ намоянд.