Беш аз 800 ҳазор доллар ба истеъмолкунандагон баргардонида шуд
Душанбе, 18.03.2015. (АМИТ «Ховар», Марҳабои Азамат).- 15 март Рӯзи ҳифзи ҳуқуқҳои истеъмолкунандагон дар саросари ҷаҳон таҷлил гардид.
Дар Тоҷикистон барои ҳифзи ҳуқуқҳои истеъмолкунандагон моҳи июли соли 2002 созмони ҷамъиятии ғайридавлатӣ — Иттифоқи истеъмолкунандагони Тоҷикистон (ИИТ) таъсис ёфта буд.
«Тайи соли 2014 ҳомиёни корозмудаи ҳуқуқи созмони мо барои ба истеъмолкунандагони тоҷик баргардонидани 71 ҳазору 368 сомонӣ, яъне маблағе, ки барои молҳои бадсифат ва хидматрасонии ғайри қобили қабул пардохта буданд, ёрӣ расониданд. Соли 2014 — ум 371 нафар истеъмолкунандагон барои ҳифзи ҳуқуқҳояшон ба Иттифоқи истеъмолкунандагони Тоҷикистон муроҷиат намуда, дар асоси он перомуни халалдоршавии ҳуқуқҳои истеъмолкунандагон 72 даъвонома ва аз рӯи ҳифзи ҳуқуқҳои онҳо 17 мутолиба пешниҳод гардид», — хабар дод ба АМИТ «Ховар» роҳбари созмони мазкур Баҳодур Ҳабибов.
«Созмони мо аз давраи таъсис ёфтанаш беш аз 800 ҳазор долларро, ки муштариён барои молҳои бадсифат ва хидматрасонӣ пардохта буданд, ба онҳо баргардонид. Ҳар моҳ аз 30 то 70 нафар шаҳрвандон барои ҳифзи ҳуқуқҳояшон ба намояндагиҳои мо воқеъ дар шаҳрҳои Душанбе, Хуҷанд ва Қӯрғонтеппа муроҷиат мекунанд. Қобили зикр аст, ки хидматрасониҳои мо, яъне додани маслиҳат ва ҳифзи манофеи истеъмолкунандагон дар муассисаҳои судӣ ройгонист», — афзуд Баҳодур Ҳабибов.
Ба гуфтаи Баҳодур Ҳабибов, мақсад аз таъсис ёфтани Иттифоқи истеъмолкунандагони Тоҷикистон мусоидати ҳамаҷониба барои ҳифзи ҳуқуқу манфиатҳои истифодабарандагони маҳсулот ва хидматрасонӣ дар Тоҷикистон аст. Иттифоқи истеъмолкунандагон ҳамчунин ҳуқуқҳои муштариёнро дар муассисаҳои гуногун, ҳамчунин дар судҳо ҳифз менамояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






