Бозтоби раванди шаффофи интихоботи Тоҷикистон дар ВАО Покистон

Душанбе, 02.03.2015 (АМИТ «Ховар»,).-Расонаҳои марказии Покистон ҷараёни раванди маъракаи интихоботи Маҷлиси намояндагони Маҷлиси Олии Ҷумҳурии Тоҷикистонро бо таври васеъ инъикос намуданд. 
Аз ҷумла расонаи «Diplomatic News Agency» қайд менамояд, ки  Ҳукумати Ҷумҳурии Тоҷикистон тамоми шароитҳои заруриро фароҳам овардааст, то интихоботи парлумонӣ дар шароити интихоботи озоду шаффоф баргузор гардад. Ҳамчунин ин оҷонсӣ қайд менамояд, ки Ҳукумати Ҷумҳурии Тоҷикистон  кўшидааст, ки кулли шаҳрвандони он, ки дар хориҷ кору зиндагонӣ менамоянд, аз ҳуқуқи интихоботии хеш истифода намоянд.