Дар Кӯлоб нашъаҷаллоби Афғонистон дастгир шуд
Душанбе, 27.03.2015. (АМИТ «Ховар», Муқаддас Темурзода).- Чанде пеш кормандони Раёсати Агентии назорати маводи нашъаовари назди Президенти ҶТ дар вилояти Хатлон шаҳрванди 30 — солаи Афғонистонро дастгир карда, аз номбурда 40 килограмм тарёк ва 1 килограмм героинро мусодира намуданд.
Назар ба иттилои Агентии назорати маводи нашъаовари ҶТ, маводи мухаддир аз манзиле пайдо гардид, ки шахси дастгиршуда онро дар шаҳри Кӯлоб иҷора гирифтааст.
Тафтишоти пешакӣ нишон дод, ки шаҳрванди Афғонистон маводи мухаддирро дар ҳудуди Тоҷикистон ба фурӯш бароварданӣ будааст. Номбурда маблағи аз фурӯши маводи мухаддир ба дастовардаро ба суратҳисоби электронии соҳиби аслии «бор» дар Афғонистон интиқол доданӣ будааст.
Кормандони Агентии назорати маводи нашъаовар шахсияти шаҳрванди ба Тоҷикистон маводи мухаддир фиристодаи Афғонистонро муайян намуда, дар ҳоли ҳозир барои дастгир кардани вай якҷоя бо Вазорати корҳои дохилии Афғонистон чораҳои зарурӣ дида мешаванд.
Аз рӯи ин қазия мувофиқи моддаи 200 қисми 4 Кодекси ҷиноии ҶТ «Гардиши ғайриқонунии маводи мухаддир ё моддаҳои фалаҷкунандаи асаб бо мақсади фурӯши ҳаҷми калони он» парвандаи ҷиноӣ кушода шудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






