Дар участкаи №8 24 нафар бори аввал овоз медиҳад

Душанбе, 1.03.2015. (АМИТ «Ховар», Мавҷуда Анварӣ).-Барои иштирок дар маъракаи муҳими сиёсӣ- интихоботи вакилон ба Маҷлиси намояндагони Маҷлиси Олии ҶТ, маҷлисҳои маҳаллии вакилони халқ аз соати 6-и субҳ сокинон ба участкаҳи интихоботӣ омада, қарзи шаҳрвандии хешро иҷро карда, ба вакили арзанда овоз медиҳанд. 
Дар участкаи интихоботии рақами 8, воқеъ дар бинои муассисаи таҳсилоти миёнаи умумии рақами 4- пойтахт барои иштироки фаъоли сокинон ва дар сатҳи шаффофу демократӣ баргузор намудани ин маъракаи муҳими сиёсӣ тамоми шароитҳои зарурӣ фароҳам оварда шудааст. 
Дар участкаи интихоботии мазкур 730 нафар ба қайд гирифта шудааст, ки аз ин шумора 24 нафараш бори аввал иштирок карда, барои номзади арзандаи худ раъй медиҳад. 
Раъйдиҳандагон хуб дарк кардаанд, ки овози онҳо дар интихоботи вакилон ба Маҷлиси намояндагони Маҷлиси Олии ҶТ, маҷлисҳои маҳаллии вакилони халқ барои пешрафту шукуфоӣ ва ояндаи дурахшони давлати соҳибистиқлоли Тоҷикистон нақши созгор мебозад.