Дарахтбурии ғайриқонунӣ ошкор шуд

Душанбе, 18.03.2015. (АМИТ «Ховар»,  Муқаддас  Темурзода).- Кормандони  шуъбаи  милиса оид ба  умури  экологияи  вилояти  Суғд  дар ҳудуди   ноҳияи Ҷаббор  Расулов  ҳодисаи  хилофи  қонун  буридани дарахту  буттаҳоро  ошкор  намуданд. 
Назар ба  хабари ВКД ҶТ,  мудири  маҷмааи  «Шаббода» М.Донабоева  моҳи  феврали  соли  2015  барои   навсозии  ҳавлии маҷмаа  аз  шуъбаи  ҳифзи  муҳити  зисти  ноҳия  барои  буридани  як   дарахти  тут  ва  ду  дарахти чинор  иҷозат  гирифта,  вале  ба ҷоӣи он  46  дарахт  бурида шуд. Бар  асари  ин  ҳодиса  ба  муҳити  зист  баробари  31  ҳазору  880  сомонӣ   хисора  расид.
Нисбат ба гумонбаршуда  парвандаи  ҷиноӣ  кушода шудааст.