Дастгиршавии қаблан судшуда бо ҳашиш

Душанбе, 28. 03. 2015. (АМИТ «Ховар», Муқаддас Темурзода).-Дирӯз дар шаҳри Душанбе зимни гузаронидани як амалиёти махсус кормандони Шуъбаи ВКД дар ноҳияи Фирдавсӣ сокини 47-солаи ноҳияи Ҳисорро, ки пеш бо моддаи 200 КҶ ҶТ суд шудааст, бо гумони ғайриқонунӣ нигоҳ доштани маводи нашъадор дастгир намуданд.
ВКД ҶТ хабар медиҳад, ки дар вақти кофтукови шахсӣ аз борхалтаи гумонбаршуда 8 кг 680 грамм маводи нашъадори ҳашиш дарёфт ва мусодира шуд. 
Нисбат ба далели мазкур парвандаи ҷиноятӣ оғоз гардида, тафтиш идома дорад.