Хайрандеш- ғолиби озмуни «Қандпаҳлў» дар Эрон

Март 26, 2015 11:52

Душанбе, 26.03.2015 (АМИТ «Ховар»).- Ҳайати адибони  Тоҷикистон, ки номи «Ҳамешабаҳор»- ро дошт, дар арафаи Наврўзи оламафрўз дар озмуни телевизионии «Қандпаҳлў»-и  шабакаи омўзиши телевизиони кишвари Эрон иштирок кард, ба Ватан баргашт.
Озмуни мазкур дар мавзўи шеъри танз миёни адибони се кишвар  — Ҷумҳурии Исломии Эрон, Афғонистон ва Тоҷикистон баргузор гардид.  Ба ҳайати адибони  Тоҷикистон се нафар- Хайрандеш, Шоираи Раҳимҷон, Абдулҳамид Нозимӣ ва адибаи навқалам Марҷонаи Рамазон шомил буданд.
Озмун дар ҳар гурӯҳи чаҳорнафара  чаҳор маротиба баргузор гардид, ки ҳар маротиб 7-8 мавзўъро дар бар мегирифт. Ҳозирҷавобӣ, лутфи баланд, танзу зарофат меъёри асосии баҳодиҳии доварон маҳсуб меёфт, ки Хайрандеш ва Шоираи Раҳимҷон дар ҳар маҳфили навбатии озмун маҳорату қобилияти баланд нишон дода, аз рақибони худ кам намеомаданд. Муассис ва барандаи озмуни телевизионии «Қандпаҳлў» устод Ризо Рафеъ ба гурўҳи «Ҳамешабаҳор» баҳои баланд дод.
Дар марҳалаи ниҳоӣ байни Хайрандеш (аз Тоҷикистон), Ҷаводи Нурӣ (аз Ҳамадони Эрон) ва шоир  Ҳамид Мубошир (аз Афғонистон) рақобати шавқовар баргузор гардид.
Доварон ба қароре омаданд, ки ин се адиб, ки аз се кишвари  ҳамзабон баъди гузаштани чандин марҳила ба финал баромадаанд, ғолиби ин озмун эълон гарданд.
 

Март 26, 2015 11:52

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд