«Истиқлол» ба Кувейт омад

Душанбе, 17.03.2015. (АМИТ «Ховар»).- Ҳайати қаҳрамони  секаратаи  Тоҷикистон клуби  футболи  «Истиқлол» 16  март ба  Кувейт омад, ки дар  ҳошияи  марҳалаи  сеюми даври  гурӯҳӣ барои  дарёфти  Ҷоми Конфедератсияи  футболи  Осиё  18  март  дар  он  ҷо  бо  дастаи  «Ал — Қадсия» вомехӯрад. 
Назар  ба  иттилои  сомонаи  расмии  дастаи  футбол,  ҳайати  мураббиёни «Истиқлол» барои вохӯрӣ бо  дастаи «Ал — Қадсия» 17   нафар бозингарон, аз ҷумла дарвозабонҳо  Никола  Стошич, Қурбоналӣ  Бобоев,  муҳофизон  Соҳиб  Савонқулов,  Эраҷ  Раҷабов,  Ҷаҳонгир  Ҷалилов, Аҳтам  Назаров, Сиёвуш  Асроров,  Петро Ковалчук, ниммуҳофизон  Ромиш  Ҷалилов,  Нуриддин  Давронов,  Хуршед  Маҳмудов,  Фатҳулло Фатҳуллоев,  Парвизҷон  Умарбоев, Умедҷон  Шарифов,  ҳамлагарон  Дилшод  Восиев, Манучеҳр  Ҷалилов ва  Бледа  Родригесро  бо  худ  гирифтааст.
Футболбози  эронӣ Меҳди Чоҳҷӯӣ  бинобар надоштани  раводид  ба  Кувейт  рафта натавонист.