Иттилои тоза аз раванди баргузории интихобот

Душанбе, 1.03.2015. (АМИТ «Ховар», Бекназари Абӯбакр). — Мувофиқи маълумотҳои пешакӣ, ки ба Комиссияи марказии интихобот ва раъйпурсӣ аз комиссияҳои ҳавзавии интихоботӣ ворид шудаанд, то соати 12:00 дар саросари кишвар 48,5 % интихобкунандагон дар маъракаи интихоботи парлумонӣ иштирок намуда, раъйи худро додаанд. Дар ин бора узви КМИР Ҷамшед Ҷамшедов иттилоъ дод. 
Иштироки фаъоли шаҳрвандон дар ин маъракаи муҳими сиёсӣ аз фаъолияти самаранок ва омодагии баланди комиссияҳои интихоботӣ, инчунин боло рафтани сатҳи маърифати ҳуқуқии сокинони кишвар шаҳодат медиҳад.    
Ёдовар мешавем, ки иттилои минбаъда доир ба раванди интихобот соати 15:00  пешкаш мегардад.