КДАМ ҶТ: боздошти нашъаҷаллобон дар сарҳад

Март 12, 2015 14:40

Душанбе, 12.03.2015. (АМИТ “Ховар”, Муқаддас Темурзода).- Аз ҷониби сарҳадбонони тоҷик ва кормандони фаврии РКДАМ ҶТ рӯзҳои наздик ҳодисаи ғайриқонунӣ вайрон намудани хати сарҳад пешгирӣ шуд.
Тавре ки сардори Маркази матбуоти Сарраёсати қӯшунҳои сарҳадии Кумитаи давлатии амнияти миллии Ҷумҳурии Тоҷикистон Муҳаммад Улуғхӯҷаев хабар медиҳад, дар минтақаи дидбонгоҳи сарҳадии «Фархор»-и отряди сарҳадии Ҳамадонӣ дар қитъаи сарҳади Тоҷикистону Афғонистон як гурӯҳи номаълуми қочоқбарони афғон, ки сарҳади давлатии Тоҷикистонро ғайриқонунӣ убур менамуданд, бо наряди сарҳадбонони тоҷик ва кормандони фаврӣ рӯ ба рӯ шуданд. 
Сарҳадбонон мувофиқи Оинномаи қӯшунҳои сарҳадӣ амал намуда, вайронкунии сарҳадро пешгирӣ карданд. 
Байни сарҳадбонони тоҷик ва вайронкунандагони сарҳад задухӯрди мусаллаҳона ба вуқӯъ пайваст, ки дар натиҷаи чусту чолокӣ ва муқовимати сарҳадбонони тоҷик қочоқбарони афғон аз тариқи ҷангалзор ақибнишинӣ намуда, ба тарафи соҳили Афғонистон баргаштанд. 
Зимни азназаргузаронии ҷои ҳодиса 2 нафар қочоқбари тоҷик, яке Шӯҳрат Умаров, соли таваллудаш 1983 ва дуюмин Сайфидин Завқибеков, соли таваллудаш  1990, истиқоматкунандагони ноҳияи Фархор дастгир шуданд, ки дар вақти боздошт аз онҳо 19 кг 400 гр. героин,  7 кг 500 гр. афюн дарёфт ва мусодира гардид.
Дар айни ҳол дар ҷои ҳодиса тафтиш ва корҳои фаврӣ идома доранд.
 

Март 12, 2015 14:40

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд