Китоб: «Қоидаҳои истифодаи техникии роҳи оҳан»
Душанбе, 23.03.2015. (АМИТ «Ховар», Мавҷуда Анварӣ). -Бори нахуст дар таърихи беш аз садсолаи роҳи оҳани Тоҷикистон китобе бо забони тоҷикӣ — «Қоидаҳои истифодаи техникии роҳи оҳан» ба нашр расид.
Аҳмадҷон Ализода, раиси кумитаи иҷроияи ҲХДТ дар вилояти Хатлон, ки собиқаи бисёрсолаи кор дар ширкати «Роҳи оҳани Тоҷикистон»-ро дорад, китоби «Правила технической эксплуатации железных дорог»-ро аз забони русӣ ба забони давлатӣ тарҷума кардааст.
Агарчи роҳи оҳани тоҷик таърихи аз як аср фузунтар дошта, дар ҳаёти мардуми тоҷик кайҳо мақоми бебадали худро касб кардааст, то имрӯз ягон адад аз теъдоди зиёди адабиёти техникӣ бо забони давлатӣ — тоҷикӣ барои соҳаи роҳи оҳан тарҷума нагашта буд.
Китоби мазкур тибқи қарори Шӯрои техникии КВД «Роҳи оҳани Тоҷикистон» тасдиқ ва барои истифода тавсия шудааст.
Аз нигоҳи тарҷума китоби мазкур кори тоза буда, барои кормандони соҳаи роҳи оҳан ва донишҷӯён ҳамчун адабиёти таълимӣ ва дастури корӣ хизмат хоҳад кард.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
