Китоби нав дар бораи таърихи сиёсати хориҷии давлат

 
Душанбе, 30.03.2015. (АМИТ «Ховар»).- Нашриёти Ҷамъияти масъулияташ  маҳдуди  «Контраст» китоби  наверо таҳти  унвони «Ҷумҳурии  Тоҷикистон дар саҳнаи равобити  байнидавлатӣ қабл ва баъд  аз эъломи  сиёсати  «дарҳои  боз»» аз  чоп  баровард. 
Китоб иборат  аз  се  бобу ҳашт  қисм буда, яке  аз  қисмҳои он  ба  пайдоиш ва  табиату хусусиятҳои  муносибатҳои  геополитикии  Ҷумҳурии  Тоҷикистон ва  Федератсияи  Русия  бахшида шудааст. 
Китоб  на  фақат  барои  аҳли  илму  омӯзгорон, донишҷӯён,  магистру  аспирантҳо,  балки  барои ҳамаи онҳое   пешбинӣ  шудааст, ки ба  масъалаҳои таърихи  сиёсати  хориҷии Тоҷикистони  соҳибихтиёру  мустақил  мароқ зоҳир  менамоянд.
Муаллифи асар  Мушовири  калони  бахши ёрдамчии Президенти  Тоҷикистон  оид ба  масъалаҳои  робитаҳои  хориҷӣ Зафар  Сайидзода  мебошад.