Кумаки наврӯзӣ ба ятимон

Душанбе, 12.03.2015. (АМИТ «Ховар», Муқаддас Темурзода).-Дар арафаи ҷашни Наврӯзи байналмилалӣ ва ҷиҳати иҷрои  талаботи Амри Президенти Ҷумҳурии Тоҷикистон дирӯз аз ҷониби Вазорати корҳои дохилӣ ба мактаб-интернати № -1-и шаҳри Душанбе як миқдор маҳсулоти хӯрокворӣ, аз қабили маводи қаннодӣ, биринҷ, равғани растанӣ, орд, картошка, пиёз, шири қиёмшуда, шакар ва дигар маҳсулот кумак расонида шуд. Дар ин бора ВКД ҶТ иттилоъ медиҳад.
Сарчашма ҳамчунин хабар медиҳад, ки аз 1-ум то 10-уми марти соли 2015 дар Академияи Вазорати корҳои дохилӣ бахшида ба таҷлили ҷашни Наврӯзи байналмилалӣ иқдоми хайриявӣ ба мактаб-интернати №1-и шаҳри Душанбе гузаронида шуд. Дар аксияи зерин ба мактаб-интернати мазкур 10 дона арча, 75 дона дарахти мевадиҳанда, инчунин барои хонандагон маводи беҳдоштӣ тақдим гардид.