Майдони боғҳо васеъ мешавад

Тавилдара, 14.03.2015. (АМИТ «Ховар», М. Ризвонов).-Боғпарварони ноҳияи Тавилдара солҳои охир ба соҳаи боғдорӣ диққати ҷиддӣ медиҳанд. Боғдорон соли ҷорӣ дар майдони 38,6 гектар боғи мевадиҳандаи себу нок, чормағзу зардолу шинонида, 25 га боғи кўҳнаро аз нав барқарор намуданианд. Дар талу  теппаҳо зиёда аз 210 ҳазор бех ниҳоли сояафкану ороишдиҳанда шинонида, майдони боғотро зиёд мекунанд, — иброз дошт муовини раиси ноҳияи  Тавилдара Қурбон Маҳмадов. Боғдорон соли равон ният доранд, ки 10 га майдони боғҳои кўҳнаро аз нав барқарор намуда, дар майдони 20 га боғи нав бунёд намоянд. Ҳоло аз тирамоҳи соли гузашта дар ҷамоатҳою хоҷагиҳои Чилдара, Сангвор ва дигар ҷамоатҳо барои бунёди боғҳо замин ҷудо карда, барои шинонидани ниҳолҳо поруҳои маҳалӣ захира карда, баробари фаро расидани фасли баҳор ба ниҳол шинонӣ шурӯъ менамоянд,- суханашро давом дода гуфт муовини раиси ноҳия Қ. Маҳмадов.