Муҳокимаи фарҳанги либоспӯшӣ дар ВКД ҶТ

Март 30, 2015 14:51

Душанбе, 30.03.2015. (АМИТ «Ховар», Муқаддас Темурзода).-Имрӯз дар Вазорати корҳои дохилӣ бо иштироки муовини аввали вазири корҳои дохилӣ Аламшозода Абдураҳмон Аламшо ва сардорони раёсатҳо ва ҷузъу томҳои мақомоти корҳои дохилӣ ҷаласаи фаврӣ-хизматӣ вобаста ба пешгирии урфу одатҳои бегона, пайравӣ ба фарҳанг ва либоспӯшии ғайримиллӣ баргузор гардид.
Тибқи иттилои ВКД ҶТ муовини аввали вазири корҳои дохилӣ иброз дошт, ки имрӯз тамоюли бегонапарастӣ ва ба фарҳанги бегона майл намудани занону духтарони кишвар, ташвиқи либосҳои бегона дар баъзе шаҳру ноҳияҳои мамлакат, ҳисси бегонапарастӣ ва тақлидкорӣ дар мавриди либос ва рафтору гуфтор дар байни занону духтарон ба мушоҳида мерасад, ки боиси ташвиш мебошад.  
Дар ҷаласа сардорони раёсат ва шуъбаҳои мақомоти корҳои дохилӣ оид ба иҷрои дастуру супоришҳои Президенти Ҷумҳурии Тоҷикистон ва вазири корҳои дохилӣ вобаста ба пешгирии урфу одатҳои бегона, пайравӣ ба фарҳанг ва либоспӯшии ғайримиллӣ ва бурдани корҳои фаҳмондадиҳӣ дар ин самт ҳисобот доданд.
Ёдовар мешавем, ки Президенти Ҷумҳурии Тоҷикистон Эмомалӣ Раҳмон дар мулоқот бо занони мамлакат бахшида ба ҷашни «Рӯзи Модар», 6 марти соли 2015 доир ба масъалаи мазкур изҳори нигаронӣ намуда, ба масъулин барои дар байни занон гузаронидани корҳои фаҳмондадиҳй дастуру супоришҳо дод.

Март 30, 2015 14:51

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд