Муҳокимаи масъалаи рушди сайёҳии байни кишварҳои СҲШ

Душанбе, 27.03.2015. (АМИТ «Ховар»,  Марҳабои  Азамат).- 25  март  дар  шаҳри Маскав мулоқоти роҳбарони маъмуриятҳои миллии  сайёҳии  давлатҳои  узви  СҲШ,  мушоҳидону мушорикони  муколамаи Созмони Ҳамкории  Шанхай  баргузор гардид, ки дар  он   сафири  ҶТ  дар  ФР  Имомуддин  Сатторов  ширкат  дошт. 
Дар  ин  бора   намояндаи  расмии  Сафорати  Тоҷикистон  дар  Федератсияи  Русия  Муҳаммад  Эгамзод   хабар  дод.
Назар ба  иттилои  манбаъ,  иштирокдорони  ҷаласа  стратегияи  ҳамкорӣ   дар  бахши  сайёҳии  байни  кишварҳои узви СҲШ — ро  мавриди  муҳокима   қарор  дода,  перомуни  дурнамои  ҳамкории  бисёрҷониба  ва  роҳандозии  тадбирҳо барои  рушди   соҳаи  сайёҳӣ  табодули  афкор  намуданд.
«Дар  ин  чорабинӣ   намояндагони Ҷумҳурии  Қазоқистон,  Ҷумҳурии  Мардумии  Чин,  Ҷумҳурии  Қирғизистон, Федератсияи  Русия,  Ҷумҳурии  Тоҷикистон,  кишварҳои нозир ва иштироккунандаи  муколама   ширкат  доштанд.
Мулоқот бо  ибтикори  котиботи  Созмони  Ҳамкории  Шанхай   ва Агентии федералии   оид ба  сайёҳии  Русия   сурат  гирифт», —  зикр  намуд  Муҳаммад  Эгамзод.