Муҳокимаи масоили ҷилавгирии коруппсия

Душанбе, 19.03.2015. (АМИТ «Ховар»,  Кристина  Эрлих).- 18  март  дар  Вазорати рушди  иқтисод  ва  савдои  ҶТ бо  иштироки  намояндагони Агентии  назорати давлатии  молиявӣ ва мубориза бо  коруппсияи  ҶТ  семинар дар  мавзӯи  «Ҷилавгирӣ ва мубориза  бо  коруппсия» баргузор гардид. 
Тавре  ки Вазорати рушди  иқтисод  ва  савдои  ҶТ хабар  медиҳад,  ин  чорабинӣ  ба  ҷилавгирӣ  ва рафъи  сабабу  шароити  ба  миён омадани  омилҳои  ришвахӯрӣ, ошкор  намудани он  ва  мубориза бо қонуншиканиҳои  коруппсионию  ҷинояткорӣ,  аз  миён  бурдани  оқибатҳои ногувори онҳо,  таъмини  ҳуқуқу  озодиҳои  шаҳрвандон бахшида  шуда буд. 
Намояндагони Агентии назорати  давлатии  молиявӣ ва  мубориза  бо  коруппсия  дар  ҷараёни  семинар  ба саволҳои  дахлдори кормандони Вазорати  рушди  иқтисод ва  савдо  муфассал  посух  доданд.