Муаррифии лоиҳаҳои беҳтарини иншооти Тоҷикистон
Душанбе, 19.03.2015 (АМИТ «Ховар», Манижа Баҳромзода).-Бо ташаббуси Кумитаи меъморӣ ва сохтмони назди Ҳукумати Ҷумҳурии Тоҷикистон имрӯз дар боғи «800-солагии Маскав» намоишгоҳи лоиҳаҳои беҳтарини бино ва иншоотҳои кишвар баргузор гардид, ки дар он намояндагони кумитаи мазкур, меъморон, муҳандисон ва донишҷӯёни Донишгоҳи техникии Тоҷикистон ба номи Муҳаммад Осимӣ иштирок доштанд. Ҳадафи асосии намоишгоҳро масъулин дар муаррифӣ намудани меъморони ҷавони болаёқат ва лоиҳаҳое, ки дар он ҷо унсурҳои миллӣ ба инобат гирифта шудаанд, ном бурданд: «Намоиши чунин лоиҳаҳо бояд ҷавонони лоиҳакашро водор созад, то рӯ ба санъати миллии муосири тоҷик ниҳанд»,-иброз дошт Мирзо Султонзода-муовини аввали раиси Кумитаи меъморӣ ва сохтмони назди Ҳукумати Ҷумҳурии Тоҷикистон имрӯз, 19 март зимни намоиши лоиҳаҳои беҳтарини бино ва иншоотҳои кишвар.
Ба гуфтаи Мирзо Султонзода дар намоишгоҳи лоиҳаҳои беҳтарини бино ва иншоотҳои кишвар аз ҷониби 62 ташкилоту корхонаи лоиҳакашӣ зиёда аз 200 лоиҳа пешниҳод гардид, ки ин теъдод аз намоишгоҳҳои қаблӣ зиёдтар аст: «Ин аз он шаҳодат медиҳад, ки мо тавонистем меъморон ва лоиҳакашони ҷавон ва муҳандисонро барои таҳияи лоиҳаҳое, ки аз ҷониби фармоишгарон фармоиш дода мешаванд, ҷалб намоем», -афзуд номбурда.
Дар намоишгоҳи мазкур лоиҳаҳои зиёд аз ҷумла, лоиҳаи бинои Вазорати маориф ва илми кишвар, бинои маъмурии Вазорати тандурустӣ ва ҳифзи иҷтимоии аҳолӣ, литсеи президентии шаҳри Душанбе, инчунин лоиҳаи навсозии чорроҳаҳои назди ҳайкали Сино ва шаҳраки 82 бо шаклҳои нав ба намоиш гузошта шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






