Мулоқоти Имомуддин Сатторов бо губернатори вилояти Иваново
Душанбе, 30.03.2015. (АМИТ «Ховар», Марҳабои Азамат).- Сафири фавқулодда ва мухтори ҶТ дар ФР Имомуддин Сатторов дар ҳошияи сафари кориаш ба вилояти Иваново бо губернатори вилоят Павел Конков мулоқот анҷом дод.
Ҷонибҳо вазъу дурнамои ҳамкории дуҷонибаи байни Тоҷикистон ва вилояти Иваново дар бахшҳои тиҷорату иқтисодиёт, сармоягузорӣ, фарҳангу гуманитарӣ ва кишоварзӣ, ҳамчунин масоили танзими раванди муҳоҷирати меҳнатиро мавриди муҳокима қарор доданд.
Дар ин бора намояндаи расмии Сафорати ҶТ дар ФР Муҳаммад Эгамзод ба АМИТ «Ховар» хабар дод.
«Мо ҷонибдори рушди босуръати муносибатҳо дар сатҳи баланд буда, ният дорем, ки моҳи май ҳайати вилояти Ивановоро ба Тоҷикистон фиристода, хусусан аз вилояти Хатлон, ки бо он созишномаи ҳамкориро имзо кардаем, дидор намоем», — гуфт губернатори вилояти Иваново.
Сафири Тоҷикистон дар навбати худ зикр намуд, ки дастовардҳои имрӯзаи ҳамкории дуҷонибаи Тоҷикистону Русия самараи мушорикати стратегӣ ва муносибатҳои дӯстонаи байни ҳар ду кишвар аст, ки дар бахши ҳамкории сиёсию иқтисодӣ ба натиҷаҳои судманд ноил шудааст.
Имомуддин Сатторов ҳамчунин зикр намуд, ки Тоҷикистон барои дастраси Русия ва вилояти Иваново гардонидани маҳсулоти кишоварзиаш имкониятҳои бузург дорад.
Зимни мулоқот ҳамчунин дурнамои ҳамкорӣ дар бахши маориф, аз ҷумла равобити донишкадаҳои олӣ ва тарбияи кадрҳо барои Тоҷикистон муҳокима шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






