Мулоқоти Р.Назарзода бо Ю.Федотов
Душанбе, 16.03.2015. (АМИТ «Ховар»).- 13 март директори Агентии назорати маводи нашъаовари назди Президенти ҶТ Рустам Назарзода дар ҳошияи иҷлосияи 58 — уми Кумитаи байналмилалии назорати маводи мухаддир дар шаҳри Вена бо муовини Дабири кулли СММ, директори иҷроияи Раёсати СММ оид ба маводи мухаддир ва ҷинояткорӣ Юрий Федотов мулоқот намуд.
Назар ба иттилоои Агентии назорати маводи нашъаовари ҶТ, ҷонибҳо дар ҷараёни мулоқот вазъ ва тамоюлу дурнамои маводи мухаддир дар минтақа, ҷараёни татбиқи лоиҳаҳои муборизаи зидди маводи нашъаовар ва барномаҳои Кумитаи байналмилалии назорати маводи мухаддири СММ дар Ҷумҳурии Тоҷикистонро мавриди муҳокима қарор доданд.
Юрий Федотов мақоми Ҳукумати Ҷумҳурии Тоҷикистон дар масоили ташкили назорати гардиши маводи мухаддир ва фаъолиятро ба манзури таҳким бахшидани ҳамкории байналмилалӣ ва амнияти минтақа ба дараҷаи баланд арзёбӣ карда, зикр намуд, ки Ҷумҳурии Тоҷикистон солҳои зиёдест, ки шарики боэътимоди Раёсати СММ оид ба маводи мухаддир ва ҷинояткорӣ дар амри дастгирии татбиқи лоиҳаю барномаҳои зидди маводи мухаддир маҳсуб меёбад.
Худи ҳамон рӯз дар ҷаласаи иҷлосияи 58 — уми Кумитаи байналмилалии назорати маводи мухаддир бо иштироки роҳбарон масъалаҳои ворид намудани тағйироту иловаҳо ба рӯйхатҳои миллии назорати маводи нашъаовар, ки дар Созишномаи соли 1971 қабулшудаи СММ оид ба маводи мухаддир ва моддаҳои фалаҷкунандаи асаб пешбинӣ шудаанд, мавриди баррасӣ қарор гирифтанд.
Дар ҷараёни мулоқот даъватномаи Ҳукумати ҶТ барои иштирок дар кори конфронсе, ки бо ибтикори Президенти ҶТ доир мегардад, ба Юрий Федотов супурда шуд. Конфронси минтақавӣ дар сатҳи баланд аз рӯи масоили рушди ҳамкорӣ дар муборизаи зидди маводи мухаддир 27 майи соли равон дар шаҳри Душанбе баргузор мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






