Мулоқоти Рустам Назарзода бо Силван Ланиэл

Душанбе, 2.03.2015. (АМИТ «Ховар», Мавҷуда Анварӣ).-Директори   Агентии назорати маводи нашъаовари кишвар Рустам Назарзода бо Силван Ланиэл — атташеи ҳарбии Сафорати Фаронса дар Ҷумҳурии Исломии Афғонистон ҳафтаи гузашта мулоқот намуд.
Р. Назарзода ба Силван Ланиэл оид ба вазъи вобаста ба маводи нашъаовар дар Тоҷикистон ва минтақа, тамоюли рушди он, ҳамкориҳо ва амалиёти муштарак бо мақомоти ҳифзи ҳуқуқи Ҷумҳурии Исломии Афғонистон нақл намуд.
Атташеи ҳарбӣ омодагии худро дар гузаронидани тренинг дар заминаи Маркази таълимии агентӣ барои намояндагони мақомоти ҳифзи ҳуқуқи на танҳо Тоҷикистон, балки Афғонистон, Покистон, кишварҳои Осиёи Марказӣ, инчунин гузоштани саҳми арзанда дар таҳияи «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020» баён намуд.