Мулоқоти С.Аслов бо Н. Бордюжа

Душанбе, 13.03.2015 (АМИТ «Ховар»).- 13 марти соли 2015 вазири корҳои хориҷии Ҷумҳурии Тоҷикистон С.Аслов Котиби генералии Созмони Аҳдномаи амнияти дастҷамъӣ (СААД) Николай Бордюжаро ба ҳузур пазируфт.
Зимни мулоқот масъалаҳои тавсеаи ҳамкориҳо дар чаҳорчӯби СААД мавриди муҳокима қарор гирифта, ба татбиқи авлавиятҳои раисии Ҷумҳурии Тоҷикистон дар СААД дар соли 2015 таваҷҷуҳи хосса зоҳир  шуд.
Таъкид гардид, ки мақсади асосии Тоҷикистон дар давраи раисии худ ин таҳкими имкониятҳои сҷиҳати мубориза алайҳи чолишҳои муосир мебошад.
Ҳамчунин атрофи омодагӣ ба ҷаласаҳои мақомоти оинномавии СААД, ки доиршавиашон дар Тоҷикистон ба нақша гирифта шудааст, мубодилаи афкор сурат гирифт.