Мулоқоти Ш. Саид бо В.Глухих
Душанбе, 17.03.2015. (АМИТ «Ховар»).- 16 март раиси Палатаи савдо ва саноати Тоҷикистон, муовини раиси Шӯрои Конгресси байналмилалии саноатчиёну соҳибкорон Шариф Саид дар шаҳри Маскав бо президенти Шӯрои Конгресси байналмилалии саноатчиёну соҳибкорон Виктор Глухих мулоқот намуд.
Назар ба иттилои ПСС ҶТ, мусоҳибон перомуни доираи васеи масъалаҳое, ки диққати тарафайнро ба худ ҷалб мекунанд, табодули афкор намуда, ҳамчунин масъалаҳои ҳамкории Конгресс бо иттиҳодияҳои тоҷирони Тоҷикистонро мавриди муҳокима қарор доданд.
Раиси ПСС ҶТ ҷонибдории худро аз ташкили муколамаи мустақими байни саноатчиён ва намояндагони Тоҷикистон ва давлатҳои дигар иброз дошт.
Виктор Глухих дар навбати худ аз имкониятҳои Шӯрои Конгресси байналмилалии саноатчиёну соҳибкорон, дурнамои ҳамкорӣ бо соҳибкорону саноатчиёни Ҷумҳурии Тоҷикистон сухан карда, зикр намуд, ки Конгресси байналмилалии саноатчиёну соҳибкорон барои таҳкими равобити тоҷирону соҳибкорон саъю кӯшиш хоҳад кард.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
