Намояндагии БТРА дар Хуҷанд
Душанбе, 19.03.2015. (АМИТ «Ховар», Мавҷуда Анварӣ).- Дар шаҳри Хуҷанд намояндагии Бонки таҷдид ва рушди Аврупо (БТРА) ба фаъолият шурӯъ намуд. Дар расми оғози фаъолияти ин институти молиявии бонуфуз раиси шаҳри Хуҷанд Раҷаббой Аҳмадзода иштирок намуд.
Дар баробари ифтитоҳи дафтари корӣ, сардори намояндагии Бонки таҷдид ва рушди Аврупо дар Тоҷикистон Ричард Ҷонс меҳмононро бо ҳайати корӣ ошно намуд.
Раҷаббой Аҳмадзода ба роҳбарияту кормандони бонк гуфт, ки маҳз бо шарофати фазои мусоиди сармоягузории кишвар, бо кӯшишу заҳматҳои бевоситаи Ҳукумати Ҷумҳурии Тоҷикистон, имрӯз чунин ташкилотҳои бузурги молявӣ дар шаҳри Хуҷанд фаъолияти густарда доранд.
Роҳбари намояндагии Бонки таҷдид ва рушди Аврупо дар Тоҷикистон изҳор намуд, ки маҳз мавҷудияти таҷрибаи ибратбахш ва фаъолияти намунавии муассисаҳои маркази вилоят боиси он гардид, ки намояндагии ин ниҳоди байналмиллалии молӣ намояндагии худро дар вилоят ифтитоҳ намояд.
Лозим ба ёдоварист, ки Бонки таҷдид ва рушди Аврупо дар Ҷумҳурии Тоҷикистон аз соли 1997 ба соҳибкории хурду миёна кумак мерасонад. То имрӯз дар кишвари мо 450 корхона аз кумакҳои бонки мазкур ба маблағи зиёда аз 4,2 миллион евро бархурдор гаштааст.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






