Нишасти матбуотии нозирони САҲА оид ба ҷараёни интихобот
Душанбе, 02.03.2015. (АМИТ «Ховар»). — Нозирони байналмилалӣ, ки аз ҷараёни интихоботи парлумонӣ дар Тоҷикистон мониторинг бурда истодаанд, гузориши аввалини баъд аз интихоботии худро рӯзи 2 март, дар шаҳри Душанбе ҳангоми нишасти иттилоотӣ пешкаш менамоянд.
Миссияи мазкур ташаббуси муштараки Дафтари САҲА оид ба Институтҳои демократӣ ва ҳуқуқи башар (САҲА/ДИДҲБ), Ассамблеяи парлумонии САҲА (АП САҲА) ва Парлумони аврупоӣ (ПА) ба шумор меравад.
Гузориш аз ҷониби Мариетта Тидей, ҳамоҳангсози махсус ва роҳбари миссияи нозирони кӯтоҳмуддати САҲА пешкаш гардида, баъдан онро Норберт Нюсер, сардори ҳайати ПА, Гейр Йорген Беккеволд, сардори ҳайати АП САҲА, инчунин Миклош Ҳарасти, сардори миссияи нозирони интихоботии дарозмуддати САҲА/ДИДҲБ идома медиҳанд.
Миссияи байналмилалии назорати интихобот аз 228 нозири 39 кишвар, аз ҷумла 161 нозири дарозмуддат ва кӯтоҳмуддат, ки аз тарафи САҲА/ДИДҲБ сафарбар шудаанд, инчунин аз 58 аъзои парлумон ва кормандони АП САҲА ва 9 корманди ПА иборат мебошад.
Рӯзноманигорон барои ширкат дар нишасти иттилоотӣ рӯзи душанбе, 2 март, соати 14:00 ба маҷлисгоҳи меҳмонхонаи «Ҳайатт Реҷенси», воқеъ дар хиёбони Исмоили Сомонӣ, 26/1, шаҳри Душанбе даъват мегарданд.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
