Оқибати фоҷиабори бадмастӣ

Душанбе, 30.03.2015. (АМИТ «Ховар», Муқаддас Темурзода).-Дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони милитсия бо гумони авбошӣ сокини 50-солаи шаҳри Кӯлоб дастгир гардид.
Назар ба иттилои ВКД ҶТ, номбурда  рӯзи шанбеи гузашта, тахминан соати 15:00-дақиқа дар назди бинои истиқоматиаш дар ҳолати мастӣ бо корди дар дасташ буда 3 маротиба ба пушти ҳамсояаш- ҷавонмарди 31-сола задааст. Бо ин қаноат накарда, ҳаракатҳои авбошонаашро идома дода 1 маротиба бо корд ба рони чапи пойи ҷияни 16-солаи ҳамсояаш задааст, ки дар натиҷа ҳарду   ҷароҳати ҷисмонӣ бардошта, дар беморхона бистарӣ шудаанд. 
Нисбат ба ин далел парвандаи ҷиноятӣ оғоз гардида, тафтиш идома дорад.