Пешгирӣ ва бартараф намудани коррупсия

Душанбе, 20.03.2015. (АМИТ «Ховар», Мавҷуда Анварӣ). -18  марти соли 2015 дар Вазорати рушди иқтисод ва савдо кормандони дастгоҳи марказии вазорат бо намояндагони Агентии назорати давлатии молиявӣ ва мубориза бо коррупсия семинар баргузор намуданд. 
Дар семинар мафҳуми коррупсия, масъалаҳои пешгирӣ ва бартараф намудани сабабҳо ва шароите, ки ба миён омадани ҳолати коррупсионӣ мусоидат мекунанд, ошкоркунӣ ва мубориза ба қоидавайронкунӣ ва ҷиноятҳои коррупсионӣ, бартараф намудани оқибатҳои манфии он, таъмини ҳуқуқу озодиҳои шаҳрвандон мавриди баррасӣ қарор гирифтанд.